高原直泰（圖）算係較早一代外流嘅日本球員，呢位現年31歲嘅前鋒，無論南美阿根廷球會嘅小保加、歐洲德國嘅法蘭克福、漢堡都效力過，年前就返番日本，效力浦和紅鑽。不過，佢上季就決定再外闖，加盟韓職水原藍翼，但效果就一般，結果日前再回流，投身清水心跳。不過，心跳季尾決定換教練，主將可能被賣走，正陷於立立亂時期，所以高原揀佢哋，都有一定風險。