今個聖誕鄭融、楊愛瑾（Miki）、董敏莉（Monie）以及連詩雅已經計劃好各自的慶祝活動，阿融及Miki約定朋友開派對，而且她們均極速學焗火雞和薑餅人應節，而四人都會與老闆及同事開派對，歡度佳節。
鄭融今年打算挑戰焗火雞，她說：「我已經一早上網搵咗焗火雞嘅食譜，到時會買隻大火雞，成班朋友一齊食，仲會整埋聖誕布甸。」不過阿融不敢放肆大吃，因為她即將出碟要拍唱片封面照，她說：「我好鍾意食嘢，但係又易肥，家真係唔可以食咁多，唔係到時影相好難搞。」
楊愛瑾很喜歡過聖誕，除了喜歡在靚靚的聖誕佈置拍照留念外，還喜歡與朋友開派對慶祝，今年她買定聖誕禮物，更焗了70幾塊薑餅人曲奇賀節，她說：「之前我去咗學整薑餅，返到屋企再唧公仔同名，整咗3日先整好晒。」
Monie想試生仔痛
已有男友的Monie約定家人和男友於家中吃聖誕大餐，她覺得佳節與最愛的人一起過是最溫暖的。Monie坦言很期待有自己的小家庭，她說：「結唔結婚都唔緊要，生仔反而緊要啲，我成日都好想試吓生仔嗰種痛楚，覺得咁先係真正嘅女人。」此外，連詩雅聖誕當日要工作，所以她會提前與家人慶祝，她說：「作為新人如果聖誕節冇嘢做仲擔心啦，就算今年冇得慶祝我都唔會唔開心，當日一定會帶定聖誕禮物送畀同事。」
採訪：李珮洳
攝影：黃文成
化妝：VinciTsang
服裝提供：BCBG
場地提供：海港城