關心妍（Jade）前晚去到將軍澳電視廣播城為「第22屆CASH流行曲創作大賽」任評判，佢嘅師妹吳若希（右）都有出賽，Jade強調會絕對公正，唔會偏私。Jade又話若有合適作品，可能會選嚟收錄喺自己出年嘅新碟中，問到若要出碟，豈非冇時間造人？佢話：「一邊做碟一邊造人，我之後會去以色列拍福音節目，老公會同行，之後可能會放假，睇吓有冇機會囉。」