前晚花旗股市反覆上升，道指報收11533，升55點，經過多日高位橫行之後，向上嘅勢頭開始明顯，有機會上試11700。
港股噚日再升51點收市，大市全日走勢反覆，市靜通常都係咁，恒指貼住20日線收市，等緊機會破關，港股應該會跟隨花旗股市向上，但成交靜，年結前突破23500嘅機會唔大，二三線股同埋基金股嘅櫥窗粉飾活動較為積極，仍然會係短線焦點。
中煤C輪24595：中煤能源（1898）報收12.02元，升0.8%。股價喺低位橫行咗幾個禮拜，家升返上條20日線樓上，呢兩日成交多番，有機會升破12.40元再試13.40元，可以諗吓隻C輪24595。
隻輪報收14.7仙，2011年6月10日到期，行使價12元，溢價12.1%，引伸波幅47.6%，槓桿率8.2倍（有效4.5倍），正股升上13.40元，24595睇23.4仙，升幅大約6成，短炒算唔錯，如果正股跌穿11.50元就沽咗隻輪。
俊樺