【本報訊】滯留英國的本港學生昨日陸續返港與家人團聚，但他們難掩怨氣，紛紛批評機場安排混亂、航空公司不負責任。有小妮子則抱正面態度，認為遇上難得的獨立處事機會。不少市民認為事件反映本港「怪獸家長」及「港孩」情況普遍：「家唔只香港學生，全世界啲人都喺機場瞓地下，又唔係有乜嘢災難，咁緊張做乜？」
滯留英國100小時的Annie昨晨返抵本港，見到家人開心得飛奔過去深深擁抱。她表示，獲航空公司安排到酒店暫住，但「住宿環境同機場差唔多，都係瞓地下，好擠逼」。她上周末開始滯留倫敦，航空公司連續兩天沒安排，直至20日特區政府駐倫敦代表出現，情況才好轉。
市民批評家長：淨係識鬧
Annie批評航空公司不負責任：「將行李丟出行李帶都冇通知，好唔organize（組織），唔檢查passport（護照）都可以入（禁區），任何人都可以攞走啲行李。」終於返抵香港，趕及與家人過冬至，Annie的感覺是「守得雲開見月明」。
凌小姐乘國泰航機返港，她表示，航空公司熱線無法接通，亦不能在網上辦理登機手續，但航空公司又勸乘客要確認機位才到機場，「但係唔出機場實冇機會，去到好多人瞓地過夜」。即使登了機，但因為只得一條跑道運作，等了一小時才起飛。
年僅13歲的姓林女生對今次事件有另一番體會：「要自己處理啲嘢係好唔方便，但係以前乜都係家長安排，今次自己處理，係好寶貴嘅經驗。」
不少市民昨致電電台批評學生及家長小題大做，張先生指香港學生抗逆能力太低：「乜都淨係識鬧，去外國學嘢學到咁點成才？家長應該藉呢個機會訓練子女。」李小姐說，她廿多年前同樣因風雪被困希斯路，不明白學生今日為何無法應付，「點解香港父母要過份保護佢哋？送得佢哋去外國，都係想訓練佢哋獨立啫！」
回家心情
