隔牆有耳:八爪魚保羅「翻生」 - 李八方

隔牆有耳:八爪魚保羅「翻生」 - 李八方

今年南非世界盃期間準確預測賽果、搞到全球知名嘅八爪魚保羅(OctopusPaul),10月尾走咗。噚日八方打開facebook,竟然見到保羅有新留言,簡單留咗句「HappyX-Mastimeeveryone!」,祝大家聖誕快樂咁話。

網友紛表掛念

名人總有個不死傳說,李小龍、貓王同米高積遜,死咗之後久唔久都會有人傳吓,話佢哋其實未死,保羅雖然唔係人,但亦好出名,所以被人冒認吓都唔奇。唔少保羅粉絲仍然唔理真假,喺fb留言搭兩嘴,多數話好掛住佢,有人仲話靠佢嘅貼士賭波贏錢,亦有人反問「Greetingsfromthegrave?」墳墓都會爆句問候,聖誕忽然加咗啲萬聖節feel。

八爪魚保羅