外圍股市靠穩，南北韓局勢冇新進展，為港股製造反彈機會，恒指噚日一躍而上，貼近23000關收市，報22993，升354點，成交冇大變化。
技術上港股有所改善，但20日線在23100水平，成為另一個甚近嘅阻力位，不過市況靜，要挾穿亦唔難，如果花旗股市借年結效應炒上，港股上試23500機會都幾大。噚日所見，唔少二三線股已經做緊櫥窗粉飾，一啲之前跌得多嘅基金股開始異動。
海油服務C輪26403：海油服務（2883）報收16.60元，升5.3%。上次推介約喺一個月前，噚日到咗目標價，但係向上嘅勢仲Keep住，應該會進一步推向20元，可以諗吓隻C輪26403。
隻輪現價35仙，2011年5月30日到期，行使價14.40元，溢價7.8%，引伸波幅56.7%，槓桿率4.7倍（有效3.4倍），正股升上20元，26403有機會見62仙，升幅近8成，係幾吸引嘅升幅，如果正股跌穿15.40元就沽咗隻輪。
俊樺