香港人最知慳識儉，買衫買鞋樣樣都精打細算，現在連去Salon整頭，都有得算死草?!最近一家位於中環的五星級髮廊，喺人人趕住去扮靚嘅PeakSeason推出「造型三次方」優惠，即係顧客只須畀一個價錢，就可以喺一連三日嘅聖誕假期轉足三個Look，實行EverybodyMerryChristmas咁話！
記者：陳子穎
攝影：陳盛臣
模特兒：Rainbow、Lui、Ronald
化妝：Tess@MODMakeup
小轉變 大改造
咪以為只有「劈場」Salon至會益街坊，今次為你介紹的是一間百分百五星級髮廊，熟客如大劉愛人甘比都經常幫襯。剛於月初開幕的MAREKArtOfHair，店主Marek可謂非一般的星級髮型師（名人客戶有關之琳、劉嘉玲、琦琦等），除了剪功了得，更是電、漂、染達人，巴閉到連國際美髮品牌L'OrealProfessionnel都點名搵佢做首位華人美髮部教育培訓經理，來頭真不小！
講到髮廊今次推出的「造型三次方」優惠，Marek坦言純粹是忽發其想。「好多客人都習慣了每天來髮廊Set頭後才上班，但中環大部份Salon在節日期間都不會照常營業，然聖誕節對很多人來說，都是大日子，於是我就靈機一觸想出這計劃來。」其實所謂「造型三次方」，是指顧客只需光顧一次造型服務，髮型師就會教你利用不同的工具和最簡單的方法，在家DIY，變奏多打後兩天的兩款造型，方便大家由平安夜到BoxingDay都有新造型。
長髮 玩Curly
毫無疑問，長髮一定係最多玩法，但點玩先最潮？髮型師Keith說：「基本上我們會建議客人喺Salon先Set攣個頭，因為鬈髮一般可Keep到兩三日。有咗基本嘅鬈曲度，接下來顧客就好容易DIY變奏出唔同嘅造型去過節，例如束髻或者加頭飾，其實已經輕易有多兩個唔同Style。」
Set好曲髮後，今天我們便為大家示範最簡單的束馬尾變髮，「其實馬尾的擺放位置不同，形象上都有很大分別，又或者利用小工具幫忙，兩三個步驟就可以做出高貴的髮髻！」
短髮 玩Volume
潮流興短髮，Sammi就係Icon。但頭髮咁短，一定無得玩啦！髮型師Royjo就大派定心丸，「短髮嘅玩法集中喺頭頂部份，既可以玩Volume又可以利用StylingProduct，造出很多有型有款嘅髮型。」
一頭有Volume的厚重短髮，要變化更容易，只要把頭髮梳鬆，感覺便不一樣。
拿起一束鬈曲的頭髮，離髮根2-3厘米，用扁平的髮梳向髮根方向來回向下梳，直至有蓬鬆的效果。如是者，利用相同方法完成餘下的髮束。
本來已削鬆的頭髮，只須再將髮鬢束起，又再變出帶成熟的韻味。
連續兩晚狂歡過後，到第三日個頭都「塌塌哋」，仲可以點變？Keith：「此時就可善用頭飾令造型起死回生！方法是將頭髮放在一邊束成辮子，再在頭頂加條閃令令的Headband即成！」Wow！好Kawaii呀！
男人頭 玩Texture
還記得，幾年前吳鎮宇在電視劇《衝上雲霄》中的「飛機頭」造型被人罵個狗血淋頭，如今竟然10個男仔9個剪，潮流嘅嘢有時真係好虛無。但假如你唔係「飛機一族」，又有咩好玩呢？Marek：「其實一般斯文的男仔頭，都可以玩Texture，將兩旁的頭髮Gel起可以很Cool，想瀟灑一點，大可用髮泥製造蓬鬆的效果！」
蘋果讀者 半價Set頭
現《蘋果日報》讀者憑此印花，於2010年12月22日至2011年1月21日期間，於MAREKArtOfHair享用洗、剪服務，均可享獨家半價優惠，名額200位，先到先得。
＊ 此優惠只適用於指定髮型師，詳情請致電髮廊查詢
＊ 必須電話預約，以最早成功致電預約的首200位讀者才可享有此優惠
＊ 必須憑報紙剪報，影印本無效
＊ 不可與其他優惠同時使用
‧必須憑報紙上的印花才可以享有優惠。
＊ 如有任何爭議，MAREKArtOfHair保留最終決定權，《蘋果日報》概不負責
MAREKArtOfHair（21912222）
中環威靈頓街50號華威大廈2樓
單次造型收費：$200起（不指定髮型師）
H&M（21109546）
中環皇后大道中68號