【本報訊】供港食材價格不斷攀升，本港食肆提早在聖誕節爆發加價潮，翠華餐廳上周五起加價，平均加幅約3%。餐飲聯業協會會長黃家和指出，最近三個月食材、糖奶調味料樣樣加，農曆新年前是另一波食肆加價高峯期，「茶餐廳奶茶出年可能要賣到18蚊杯嘅歷史新高。」
翠華餐廳集團主席李遠康表示，餐廳上周五（17日）全線加價1元，平均加幅約3%，如魚蛋粉每碗加至28元，加幅3.7%；豬扒包加至21元，加幅5%；奶茶加至15元，加幅7.1%。
食材加價蠶食毛利
「呢幾個月啲食材價格上升得好犀利，好似牛肉咁，最高升過一倍；糖、奶等調味料都升咗兩、三成。」李遠康表示，成本不斷上升，餐廳毛利被蠶食得所剩無幾，「我哋做食肆都係賺幾個%，年頭到家嘅毛利率下跌咗幾個%，唔加價唔得。」
黃家和表示，聖誕前加價只是第一波，農曆新年前料是第二波，「農曆新年好多酒席，好多酒樓都會喺呢段時間加價，加幅大約5%，大時大節啲客都唔介意加價。」
此外，本報昨日查詢多間大型連鎖快餐店最近會否加價，計有大快活、美心MX、麥當勞、KFC，當中大快活、KFC截稿前未回覆；美心MX表示未有加價計劃；麥當勞未有正面回應，但表示會不時推出減價優惠。