政府計劃把坪輋及打鼓嶺劃為新發展區，多個有機農場將會消失，變成低密度住宅。Victor原本在電訊公司任職管理層，五年前毅然歸隱田園，在馬屎埔經營農場，剛上軌道就被迫遷，如今又再面臨第二次迫遷。
有機農夫Victor搬到坪輋不久就聽聞坪輋將成為新發展區，「但係冇選擇，惟有做住先」。Victor慨嘆政府政策扼殺農業，耕地越來越少，「有冇得再做呢行，都係一個問題。其實好多人想入行，冇諗住搵大錢，而係鍾意簡樸生活。政府完全唔關顧農業，純粹想起樓」。他尚未接獲地主通知何時要搬，但正向漁護署申請另覓農地，及早尋後着，「點知好多人都要搵農地耕田，排晒長龍」！
農民憂不適應市區生活
他的農場旁邊，是數十萬呎有機農田，有一大片成人般高的粟米、佛手瓜、各種蔬菜，全是珍姨的心血。她兩年多前看電視，才知道可能要收地，很無奈，「我係租戶，矇查查，政府梗係唔會話我聽」。
上一代已種田的珍姨嫁到元下村，視種菜為終身事業，「我喺媽媽肚入面已經種緊菜，對住啲菜我就開心，唔會厭，好有感情，種到八十歲都得」。農田凉風送爽，珍姨稱之為天然冷氣，很擔心將來要搬進市區，「啲細路哥掉喺塊田度，唔會擔心俾車撞，唔使為生活而追巴士；開冷氣一冷一熱又易病。退休冇寄託，喺屋企戇居居，好易癡呆」。
北區區議會主席蘇成智表示，現時政府規劃藍圖非常「粗略」，細節有待更改，大前提是不觸及原居民村落，非原居民的農田難免受輕微影響，「佢哋唔使擔心，政府一定會計足賠償，菜田都唔值錢，賠畀佢哋反而仲有利」。