青春無敵嘅中學生時代係好多人緬懷嘅好時光，但係又有幾多個可以好似余若薇咁，夠膽喺畢業40年後着番十八、廿二時套校服亮相？余大狀前晚參加聖保羅男女中學（SPCC）1970年級畢業生嘅40周年同學聚會，竟然着住細女嘅SPCC校服，結果在場唔少人起哄，亦有好多人驚訝：點樣可以好似余大狀咁40年如一日？佢嘅粉絲亦喺facebook留言，嘩嘩聲之餘大讚佢好cute！
余大狀喺SPCC只讀了兩年預科，但就喺其間同老公胡健維邂逅，都算係喺SPCC嘅最大收穫。原來余大狀當年嘅校友包括港大首席副校長錢大康以及立法會前議員李家祥；而佢喺聚會當日更發現同某位校友竟然係1957年嘅幼稚園同學，睇番兩個小時候嘅合照，真係喜出望外。