相對風雲首腦榜，《福布斯》中文版噚日公佈嘅「2010年中國年度商業人物」賽果就合理得多，至少唔會令華華「噴香港飯」！繼前幾日公佈嘅「胡潤IT富豪榜」之後，百度嘅李彥宏、騰訊（700）嘅馬化騰同阿里巴巴（1688）嘅馬雲，呢3個中國互聯網嘅鐵三角，又再次齊齊上榜。
《福布斯》話，互聯網係喺中國所有行業裏面，完全由民營企業產生嘅，而且喺有競爭嘅條件下，通過本土創新，所以係一個贏得世界尊重嘅行業，而佢哋嗰3間公司就係成功嘅代表。以12月7日市值計，喺全球上市互聯網企業之中，騰訊同百度分別排第三同第四，阿里巴巴亦喺10名之內。簡單嚟講，咪係為祖國爭光囉！