歐洲經濟近排叫做好番啲，但查實區內好多基層仍然勒緊褲頭過日子。為免引起民憤，區內各國都明示暗示啲大行，千祈唔好再豪派花紅，而啲大行今次都相當識做，將今年嘅花紅大縮水20%至30%！
其中早排話喪加學生學費嘅英國，佢哋個商業大臣凱布爾（VinceCable）就講到明，如果當地啲大行再不知節制，豪派花紅，就會同佢地玩鋪勁，加佢哋稅！
啲大行即刻做嘢，將中層嘅ManagingDirector年終花紅削減近一半，而超過一成冇乜表現嘅銀行家同交易員，更加一個崩都無！查實咁鬼多間大行仲係問緊歐洲央行泵水，唔使人警告都應該自律喇！