朗尼（圖）係大球星，新聞多多，又成日成為採訪焦點，壓力大係必然嘅，以前可能因為係咁而「越軌」，咁樣都可能係減壓方法一種。不過，朗尼家話賽前減壓方法係聽歌仔，邊一類型？答案係聽「村姑」蘇珊嘅歌聲，貪佢嘅聲音夠舒服，可以鬆弛神經。朗尼仲話，部i-pod有成萬首歌，但偏偏只係聽「村姑」最見效，品味夠晒特別。