上禮拜港股打破橫行格局下試100日線，禮拜五喺呢條線企穩，報收22714，升46點，陰陽燭現錘頭，具備反彈條件。
花旗股市上日冇大變動，但睇周線圖已有異動，呢兩個禮拜炒年結嘅機會唔細，年結效應或者就係愛爾蘭信貸評級被穆迪連降五級都冇帶嚟大波動嘅原因。
港股反彈，可先睇23000至23500。市靜，要實即市波動。
江銅C輪26236：江西銅業（358）上日報收24.55元，升2.9%。股價回試20日線之後現支持，好快炒返上10日線水平，有機會上試前高位26.50元，破位就睇28元，可以諗吓隻C輪26236。
隻輪現價28.5仙，2011年4月28日到期，行使價24.40元，溢價11%，引伸波幅46.9%，槓桿率8.6倍（有效4.9倍），正股升上28元，26236睇51.2仙，升幅達8成，就算正股只見26.50元，隻輪都有4成幾升幅，正股跌穿23.40元就沽咗隻輪。
俊樺