雖然四大唱片將與無綫破冰，但前晚及昨晚於將軍澳電視城舉行的《2010勁歌金曲優秀選第三回》及《2010年TVB8金曲榜頒獎典禮》依然未見四大唱片歌手得獎，英皇繼續成為大贏家，東亞歌手在《勁歌優秀選》食白果，無綫力捧的「巨聲幫」許廷鏗和Super4就各有一獎。
《TVB8頒獎禮》得獎歌手有林峯、草蜢、容祖兒、蔡卓妍、鍾欣桐、何韻詩及張芸京等；而阿嬌自淫照事件隔了兩年後再與蔡卓妍以Twins名義得獎。
「TVB一向錫我」
林峯接受訪問談到他將在商台頒獎禮食白果，故無綫昨晚給他大獎補償，他說：「TVB一向錫我，我自己都係TVB8出身，係第一份工，今年我喺國語歌方面成績未夠好，又未正式出碟。」有指他未出碟已獲大獎，林峯謂：「獎係觀眾投票返嚟，我有努力。」至於有指他與鍾嘉欣四年情甩拖，林峯激動說：「大家唔好再提，我講過無數次係好影響，搞到我冇拖拍，我真係好介意。」他謂與鍾嘉欣通電話不超過五次，都只是談出席活動穿甚麼衣服，純粹只是同事。但他不介意二人再合作。
採訪：溫敏芝、馬建華
攝影：林德雄、黃文成