容祖兒及孫耀威等昨日到德福出席新城活動，談到四大唱片跟無綫和解一事，環球歌手孫耀威指未有收到公司指引：「我都唔知家同其他電視台做訪問係用廣東話定國語。」他又指破冰是好事：「歌手可以多個平台做宣傳，我都好掛住《勁歌》，係一個重要嘅宣傳平台，好誠實咁講，希望唔好抹煞我哋喺其他台宣傳嘅機會，用國語做香港電視台訪問會好怪！」
也屬環球的關楚耀昨日繼續撐有線，在尖沙嘴出席「有線第一屆主播訓練班公開招募日」活動，他下個月更會拍亞視新劇，聲言不擔心遭無綫封殺。他說：「我會照用廣東話接受有線訪問，因為我未收到公司通知。」
祖兒樂於頻上勁歌
至於非四大歌手的祖兒及官恩娜也拍手叫好，並指期望能在四個頒獎禮上見到各公司的歌手出席。問到祖兒可覺得甩難不用每星期也上《勁歌金曲》？她即謂：「唔好咁講，我好享受，我最多都係一個月上三次，你唔明一個鍾意唱歌嘅人，有個可以畀佢唱歌嘅節目係幾樂於應付！」至於現時頒獎禮歌手少而失色，Joey同意並謂：「以前啲人齊啲，不過社會唔停轉變，只要個心冇變就得。」
採訪、攝影：譚倩宜、馬建華