今年係鄧麗君逝世15周年，由年頭開始已經有好多關於鄧麗君嘅紀念活動，好多都係由佢班忠實歌迷出錢出力籌辦。班歌迷噚日開咗個記招，宣佈正式成立鄧麗君（環球）歌迷會，主席係陳廣生，鄧麗君三哥鄧長富都飛嚟香港支持，佢晏晝一點出席個活動，再趕四點飛機返台灣，咁趕都要嚟支持，真係唔話得。