Cathy一家四口靠綜援度日。她讀中學時已兼職補幫家計，會考零分，畢業後找工作困難重重，曾一日見了13份工，卻徒勞無功。她經朋友介紹到網吧當店員，卻因報警舉報客人販毒，被老闆炒魷。Cathy再找工作，洗碗都肯做，奈何僱主嫌她太後生，不聘請她。
通宵上網拓客源
現年20歲的她被迫當上夜總會小姐，做三陪『木魚』，陪坐、陪飲、陪瞓：「冇錢吖嘛，個人跌到落谷底，每個人都會咁做。」Cathy一個月後辭職，改為援交，每月可賺6000至7000元。她投放不少時間在這盤「生意」上，為擴大客源，會在網吧通宵與客人聊天。
Cathy會將部份收入給弟弟作零用錢：「佢讀名校，嗰間學校係BandOne。」援交雖然令她暫可應付家庭開支，但她始終都想找一份穩定的工作：「好搵就好搵，一唔好搵嗰陣時，又會少咗一半。做住先囉，keep住搵（正當職業），都要過生活，都要使錢o架嘛，搵到一份安定嘅工就走o架喇。」