Apple現年20歲，是個大專生，兩年前才知「援交」是甚麼一回事：「睇報紙話有個援交少女俾人肢解，就上網查吓乜嘢係援交。跟住喺個論壇見到，就留意多咗。」她家境困難，要兼職幫補家計。一家六口，嫲嫲和爸爸都沒有工作，她和弟妹都在求學階段，只有任職會計文員的媽媽，靠每月一萬元收入養起整頭家。18歲那年，讀大專的Apple仿效其他援交少女，在成人交友論壇開帖自我介紹。她已向政府借貸16萬元，希望掙點錢幫補每年四萬多元的學費，並自己肩負生活開支，不用靠母親。留帖後反應踴躍，一星期後，Apple接了生平第一位客人，她用「轟烈」來形容這次經歷。
大專生賠上前途
「個客講明要包月，即係一個月內只准同佢做。出到嚟，好搞笑，佢喺地鐵站裏面戴住副黑超。跟住，佢帶我去一間好靜嘅賓館，裏面好黑，但係佢依然戴住副黑超。佢叫我做乜我就跟住做，後來佢將我成個人翻轉，喺後面入，好痛，但係反抗唔到。事後佢就話有事走先，冇畀錢，之後就失去聯絡。」
見過鬼仍不怕黑，Apple說自己硬頸，不相信每次都遇上衰客。她繼續嘗試，兩年下來已接客約20次，平均每次收1000元，就算曾被警員放蛇控告兼入罪，都繼續接客。08年9月，一名客人約她到尖東某公園會面，雖然雙方早已說好價錢，但見面後對方反覆追問她開價多少、有甚麼服務。Apple不虞有詐，重複說清價錢及服務，原來對方是卧底探員，套取了Apple的「口供」後，表示帶她到附近櫃員機。Apple跟着他走了一段路，即被埋伏警員拘捕。
保釋一年後，Apple被控「唆使他人作不道德行為」，她不認罪，供稱是放蛇警員主動問她價錢及服務，但法官相信警員，判罰數千元，她就此留下案底。Apple當時已大專畢業，正想找正當工作，但案底令她找不到正行，她惟有繼續進修，但如此一來，又要繼續援交應付學費及生活開支。案底可在3年後註銷，Apple還要多做3年援交。