現年20歲的Pet竟在一個二手車買賣網的論壇上接觸援交這回事。她三年前與家人吵架，想搬出去和朋友一起住，要快點掙一筆錢，很快便接受了援交：「咁我出嚟住唔使錢呀？唔通瞓街呀？」
搞完當識個朋友
幫襯援交的客，甚麼人都有，除了不付錢的，Pet還遇過一名有性虐待癖好的：「好似你對佢唔住咁，打到真係痛囉！紅o架，流血o架！梗係冇力反抗喇，超暴力呀！仲要攞條USB線綁住喎。跟住搞完你，丟低2000蚊就走囉。」
Pet的男友也知道她援交，連男友的父母都知：「佢媽媽初初就覺得唔OK嘅，但佢又覺得我個人冇咩問題，所以都好錫我。我諗呢個係唯一原因令我想搵份正常嘅工做。就係因為佢哋咁樣，起碼唔會歧視做呢樣嘢！」問及Pet覺得援交是否一份工作時，她斷然否認，更興致勃勃解釋：「第一，佢係一個遊戲，一個異常咁好玩嘅遊戲，玩極都唔悶。第二，你搞完嘢，其實可以當識多個朋友……第八，講到第八先係錢囉……」