胡定欣、龔嘉欣、許家傑昨日在荃灣為《閃爍華麗拉丁舞》擔任表演嘉賓。早前有份角逐最佳女配角的胡定欣對賽果略有微言，如今大局已定，她表示專注搵錢，她說：「頒獎一年一次，做藝人聖誕新年最緊要係有曝光有錢搵。」雖然無獎坐冷板，但突出表現得到客戶認同，她說：「今個假期排滿晒，去到出年一月，之後就拍《法証》，同祥仔做一對夫婦。」
龔嘉欣舞衣加料
龔嘉欣學拉丁三個月，第一次公開表演，她表示不習慣性感舞衣太少布，所以自家製一個tubetop防走光，她說：「我喺屋企照咗半個鐘都係接受唔到。」不知是不是怕鄧健泓不喜歡，她說：「唔關事，係我自己唔慣！」拍檔許家傑說：「我建議佢下次可以揀件多少少布着，唔使加top，可以跳得輕鬆啲。」
採訪、攝影：楊潔雯