寶蓮寺噚日舉行法會，住持釋智慧久未露面，都要出嚟講幾句，智慧大師話幾年前自己身體唔好，狀況大不如前，講嘢冇以前咁清晰，希望大家體諒云云。
智慧大師中風後健康確係好令人關心，外界一直揣測誰人接班問題，不過八方噚日見到智慧大師，覺得佢狀態大勇，相信未有耐交棒。八方咁講，係因為記者追問寶蓮寺有冇違規骨灰龕問題時，智慧大師起初叫記者問禪院顧問，不過顧問答不出所以然來，最後始終要大師親自出馬解圍，由此可見，智慧大師已回復當年勇，有佢坐鎮，寶蓮寺繼續興旺冇問題。連人大常委范太都咁話，噚日表示希望智慧大師兩年後邀請佢出席萬佛殿開光大典。