Carol和百果園E神陳靜（DaDa），自暑假揭開惡鬥序幕後，書展寫真戰敗陣的陳靜近日推出噴血月曆求收復失地，她更忽然富貴，斥資400萬購入西九龍區泓景臺一個700呎單位，同時又被拍到與一名上市公司主席飯局。相反Carol卻依然停留在窮學生階段，經濟狀況似乎已被宿敵陳靜遠遠拋離。
帶埋男友去飯局
Carol為免罵戰再一觸即發，她封嘴避談陳靜出席富豪飯局，只說：「我唔知件事，唔方便評論，可能真係朋友呢！」問到過往可曾有富豪邀約出席飯局，她自嘲：「未聽過，可能有人打過畀我，但經理人自己去食咗。如果真係有呢啲飯局，我會帶埋男朋友、經理人、家人同好姊妹一齊去。」
對於陳靜已迎頭趕上榮升業主，但Carol仍跟家人居住大圍公屋，Carol自問會量力而為，她抵死地說：「我好羨慕佢（指陳靜），尤其家樓巿咁高企，證明佢真係好勤力，係美貌與智慧加body並重。」