官場入面真係好多人鍾意唱歌，聖誕節可以一次過滿足佢哋表演慾。
兒童發展配對基金主席鄭慕智今年帶隊，同多個官商名人一齊報佳音，已經答應開腔嘅高官包括政務司司長唐英年、食物及衞生局局長周一嶽、副局長梁卓偉等，仲有歌唱家江樺、香港兒童合唱團、中西區區議會合唱團、和諧合唱團等，八方聽聞仲有唔少金融、法律、醫學界人士齊齊唱歌。
呢次活動係兒童發展配對基金首項大型籌款活動，目標籌募2,500萬元，今日開始至平安夜，佢哋會輪流到多個港鐵站、商場獻唱，歡迎市民欣賞，詳情可看基金網頁 http://www.cdmf.org.hk/b5_main.php