【本報訊】企業賺大錢，員工要求加薪理所當然。大企業在加薪問題上雖然較過去兩年闊綽，但中小企反而變得十分手緊，可謂同人唔同命。工會指不少中小企以最低工資殺埋身為由，抑壓員工加薪幅度，甚至削減花紅獎賞，令員工未能分享經濟復蘇的成果。
部份削減花紅獎賞
合眾人事顧問公司總經理蘇偉忠表示，大企業來年加薪明顯「鬆手咗」，最大原因是企業正面臨久違的挖角潮，最近一年企業員工流失率不斷上升，為阻止員工蟬過別枝，企業只好加薪挽留人才，「萬一好員工走咗，企業損失可能仲大」。他更估計銀行、金融及地產等行業，面對熱錢不斷流入香港，來年加薪幅度有望跑贏大市，加幅達4至7%。
但加薪潮並非人人受惠，職工盟執委張麗霞透露，不少中小企已向員工打「開口牌」，表明因最低工資即將實施，因此來年加薪幅度要「勒住勒住」，部份甚至削減花紅獎賞，務求減低薪金成本。她指中小企聘請低薪員工較多，這些公司希望盡量抑壓整體員工的薪酬加幅，「慳到嘅錢」用以「補貼」低薪員工在最低工資實施後的薪金「差額」，她批評有關做法非常刻薄，打擊員工士氣。