民政局常秘楊立門早前上鏡在《歡樂滿東華》唱歌籌款，好多市民先驚覺政府原來有位「AO歌王」，八方今日要介紹官場嘅「歌后」，就係政府經濟顧問陳李藹倫。
陳太平日上鏡時都係講冷冰冰數據，原來佢係十分唱得之人。
財政司司長辦公室屬下嘅經濟分析及方便營商處，近年每年創作一首「年度之歌」，作曲、編曲、監製、主唱到和音，全首歌都係由經濟分析及方便營商處職員一手包辦，陳李藹倫主唱，今年主題曲叫《共創明天》，係該處第三首自家創作主題曲。
八方噚日第一時間聽過首歌，歌詞十分正面，製作、演繹都好有水準，呢度可聽歌 http://www.youtube.com/user/CEoffice#p/u/0/q7QEzN0IZl8