羅敏莊噚日喺信德中心出席聖誕活動，佢話主持咗《勁歌金曲》後，多咗好多人搵佢做唱歌騷，令佢可以過一個豐厚嘅聖誕，佢下個月仲會做舞台劇《一屋寶貝》，認真忙碌。講到有傳崔建邦因陳志雲回歸無綫而可以返去主持《勁歌》，羅敏莊話係因為另一主持MCJin要忙演唱會同要放假返美國，所以先搵番崔建邦做，唔係同陳志雲有關。