聖誕新年就到，又有唔少令人期待嘅電影要上畫，我就已經mark定咗幾套必睇，最期待，梗係改編自村上春樹嘅《挪威的森林》。
我本人好鍾意睇日本電影同小說，亦好鍾意村上，《挪》嘅小說已經睇咗好多年，不過呢排行開書店，間間都放晒《挪》嘅新版喺當眼位，個個一見松山研一個靚仔樣就去揭吓，我心諗，唔係家先睇呀？睇嚟香港又會掀起一股村上熱，冇計，香港人就係鍾意跟風。講開松山，我有位老友，有人話佢幾似松山，今個禮拜佢囂呀，同我對賭，賭場AC對羅馬，唔使問，我梗要AC，羅馬係有我最愛嘅王子托迪，不過AC都有個Prince好勇，奇雲保定呀，雖然我同呢位老友對賭劣績斑斑，但AC咁旺，係時候同我反一反底喇，就殺你一個羊腩煲！
守丹
心水：AC米蘭勝
近5場戰績：WLWWL
心得：AC王子勇過羅馬王子。