新一代性感女神周秀娜（Chrissie）和浸大咪神楊梓瑤（Carol）再度合作拍新戲，昨日兩人和其他演員一同拍外景，包括Chrissie和Carol在內之一眾以上圍作賣點的o靚模，遇寒流即收起咪咪，反而43歲的前輩陳法蓉卻穿上低胸裝，大騷驕人事業線，輕鬆揮低眾o靚模。
周秀娜（Chrissie）、曾志偉、杜汶澤、張可頤、陳法蓉及浸大E神楊梓瑤（Carol），昨到跑馬地墳場為王晶製作的電影《猛男滾死隊》拍一場葬禮戲。昨日天氣冷，Chrissie等均以厚褸包實咪咪，反而陳法蓉就着上低胸裝，撼贏眾o靚模。
劇組手下留情
對於陳法蓉突圍而出，Chrissie笑謂：「陳法蓉身材堅正，佢哋成班前輩都好好人，個個都keep得好好。」問Chrissie覺得自己還是陳法蓉身材較好？她說每個人身材不同，不可比較。Chrissie又指昨日穿的是劇組戲服：「劇組好手下留情，畀我啲衫都好多布，而我最性感嗰場就喺泳池。」
Carol亦讚陳法蓉樣靚身材正，問她是否怕凍收起咪咪？Carol笑謂：「唔係，呢套係戲服，我個角色比較妹妹仔，所以啲衫比較日本look。」Carol說現時要忙考試、功課及拍戲，少了時間見男友及家人：「男友有投訴，但聖誕係黃金檔，都係搵錢至上！」
對於獲讚身材正，陳法蓉笑謂：「Chrissie都好正，連瞓覺都靚過人。」陳法蓉說近日其菲傭被財務公司上門追債，幸好事情已解決。
志偉否認爆粗
談到羅家英患怪病，曾志偉說不知情：「好耐冇見羅家英，之前約佢，佢話唔舒服所以冇約到。上星期同阿姐通電話佢都冇講，我會打畀佢問吓。」志偉又否認在《東華》中爆粗。
採訪：譚倩宜 攝影：仇志德