踏入張文偉（小偉）在觀塘舊樓「劏房」的工作室兼居所，即使是隆冬12月，也感到有點侷促。過去大半年，小偉昏天暗地在這裏埋頭苦幹，聖誕節前夕，改編《聖經》成為漫畫版《使徒行傳》終於完成，「其實可以早啲交稿，不過要好認真對待，所以改完又改，押後咗三次」。
非讀書材料 投漫畫界
38歲的小偉入行廿多年，與無數同代人一樣，他喝港式漫畫奶水長大，「小一借隔籬屋本《龍虎門》睇，小三第一次自己買，當時賣三蚊一本」。日看夜看，港漫那些筋肉男、拳風、腳影上心入腦，他有樣學樣拿起筆模仿，「我將全本暑期作業畫滿公仔，我照交畀老師，竟然冇俾人鬧。後來發現老師根本冇睇啲作業，全部丟晒去垃圾房」。
「我知道自己唔係讀書材料，所以好早就決定入行畫漫畫。」小偉入行數年，已晉升至主任級，手下有多名助理，後來擔任「幕後代筆」，過去十多年紅極一時或曇花一現的主筆，小偉也做過他們的「幕後代筆」。
小偉有擔正做主筆的機會，可是本地漫畫行業盛極而衰，主筆風光不再。「我喺黃金期過後先入行，睇住成行走下坡。」他說港漫全盛期，銷書量少於五萬本是失敗作，「家有啲書只賣八百幾本。」港漫走上這條路，可以套用膾炙人口的兩句話：「成也風雲，敗也風雲。」
當年馬榮成以細膩畫風一炮而紅，全行跟風，「老細一味叫我哋畫靚啲，甚至指示照抄馬仔」。畫出彩虹的方程式難學難精，只追求畫面漂亮，便懶理故事情節合不合情理。「我畫個主角受傷倒地，主筆鬧我，話主角係無敵嘅，受傷都唔可以跌低。」小偉覺得有些主筆比漫畫內的人物更走火入魔，「啲角色冇血冇肉、非人性化，冇讀者會追落去睇」。
賽車作題材再闖美國
不想再做「幕後主筆」，也捱不住截稿死線壓力，小偉索性辭職，曾開畫室教畫漫畫，06、07年機緣巧合，畫了兩本《聖經》漫畫《王者之路》、《苦難之路》，今年自資出版《使徒行傳》。與情節犯駁、主角不死的港漫比較，小偉說改編《聖經》做漫畫，資料搜集工夫要十分認真，就算他是教徒，也要看遍解經書，讀通了內容，再看紀錄片、電影、參考書，考據當時的環境、建築物，做足功課才能動筆，「實際畫只係半年左右，之前準備咗超過一年時間」。
別以為《聖經》漫畫很冷門，小偉說在教會圈子內做宣傳，數年前出版的兩冊漫畫共賣出二萬多本，足似傲視港漫。對港漫死心，但對漫畫熱情不減，小偉曾自薦在美國出版賽車漫畫，現正構思出版以一級方程式賽車為主題漫畫，再闖美國。
記者 羅偉光