前幾天行經太古城，驚見當年《全美一叮》總亞軍，踢躂舞組合AllThat表演。呢個組合絕對唔講得笑，睇佢哋跳舞好有節奏感、默契好，仲跑慣江湖夠幽默識搞氣氛，連騎喺藍鑽石膊頭上面嘅4歲囡囡都拍爛手掌，了不起。喺節日當前睇咁高水準嘅演出，豁然開朗。我唔係阿仙奴躉，但班波真係有默契，輕取史篤城在望。藍鑽石心水：阿仙奴勝[-1]近5場戰績：WLLWW心得：兵工廠化悲憤為力量。