24小時超市嘆Buffet　鋸扒的小矮人

「噢聖誕節，托它歸家，放喺廳度好靚o架！」又托？上星期喺澳洲咪托咗囉？（見12月11日）係！但今次無呃你，今回可以托真的樹了，且那樹堅掗拃！連導遊同的士司機聽到都話好貴o架！還不符合過聖誕的條件？不過睇怕送畀你都托唔郁！

記者、攝影：陳慧敏
鳴謝：卡塔爾航空

好貴o架！巨樹餐廳變亞莉亞蒂

其實除了熱了點又曬了點外，巴西好適合慶祝聖誕。
AFigueiraRubaiyat其名同響朵原因，都因為這裏有株超巨型百年大樹，將餐廳「室外」部份整個籠罩着。為保護大樹，以及全天候為餐廳採天然光，架在大樹下的玻璃屋白天透着陽光同樹影，晚上擋風又可看星星，最緊要係擋住飄落的果子樹葉同雀仔X，其實已於遊客界出晒名。
這裏的老闆早已在BuenosAires開扒房開到響朵，這裏的烤肉跟地中海式海鮮餐可是SaoPaulo一等一的，還有全市不算最頂級，都肯定係最長的winelist。問十個巴西人十個都肯定話佢貴到飛起，但就個個都會話值，係突然富貴或想富貴時的首選。還可以食住個勢一齊扮埋《借東西的小矮人亞莉亞蒂》，感覺自己像變了小矮人，在樹下開派對呢！

《借東西的小矮人亞莉亞蒂》

■百年巨樹罩住整間餐廳！

■兩柱大樹椏，間出了私伙空間。

■無限添食的出爐麪包勁香軟！未開餐已食了幾個見飽㖭！

■百年巨樹一條樹椏橫過四五圍枱上空，你話幾震撼！

■員工笑容燦爛又活潑令氣氛熱鬧，不似一般高級餐廳死咕咕。

■最出名有葡式或巴西式烤牛扒，重點是配的烤汁同醬料，肉烤後仍富肉汁。主菜由$300-$620不等。

■香草雜錦盤裏大蝦、龍蝦、八爪魚等鮮香味美。

a.AFigueiraRubaiyat
地址：RuaHaddockLobo,1738-JardimPaulista

狂掃巴西國拖

預食了聖誕大餐，若然有交換禮物環節，我肯定大家會買拖鞋！
站在婆娑樹影的拖鞋「市集」間，晨早話咗唔使再買的我的左腦說：「一對着兩年，着到做太嫲都得啦？」右腦喊：「$100！$100！特別版都係$150！（香港的）半價！」回頭望那日日接電話短訊手信「定單」的記者，抱住一手拖鞋已在十米外繼續摷鞋。
最舊款的Havaianas於1962年誕生，當年只係擺街邊，得白底配紅黑藍綠底帶，線條簡單性感，但個性親民不吊高嚟賣，才廿幾蚊，係巴西人心中的No.1。某年忽爾被遊客發掘一着傾心成法定手信，現在全球80個國家有賣，聖保羅舊年開了conceptstore，裏面真係好恐怖o架！人多呢啲大場面香港人見慣，黑西裝黑面實Q到實在巴西都見慣，但場內shopper眼裏同手裏都撻着一團火，抱住一手鞋仲彎身摷鞋試鞋，十足《少林足球》裏足球隊搶贊助鞋一幕。這裏有自訂款式服務，40款鞋板同人字帶自我配搭，男人女人圍住轉盤扶乩般碌左碌右，配350個款，Amy紅配綠、Betty白配橙……咦？隔籬還有國旗、水鑽……

■三個靚女每人三四對，加埋我哋六位記者48對拖鞋，晒冷就壯觀喇！

■七彩拖鞋牆同鞋陣誘惑。

■揀完粗條幼條再揀水鑽。每粒約$25

■今年巴西國旗特別版約$134

■買了三對鞋的美國旅客則話：「買咗先！到時再諗俾邊個啦……」嘿……我都係。

■特別版銀藍色搭帶班點拖各約$156

b.Havaianas
地址：RuaOscarFreire1116,Jardins

$46超市嘟卡自助餐

「亞莉亞蒂」餐廳太貴？Cheapcheap地可以過去睇完「燈飾」後，到斜對面24小時超市食自助聖誕大餐！聖誕buffet+超市+現場演奏？山寨感的配搭，但入門一刻超市經理派了我們一人一張門牌大張的「VisaCard」，還是超厚硬膠製作，吃東西就在卡上咇一咇，結帳再同你計。
近二千平方米樓高兩層的超市，是聖保羅人熱門聚集地，其早餐同brunch最出名，早上總係逼滿人。門口地下一層賣日用品、食物，又是咖啡室，旋轉小樓梯上是樓上雅座自助餐，白頭結他手同主音陶醉地演出，我們只係又掃了堆地道咖啡豆朱古力乾果做手信同即刻食，但據聞其雞批非常有名，是自助餐台柱，晚上七點幾去到居然已被掃清。