薛凱琪（Fiona）早前憑《分手說愛你》一片成為越南國際電影節影后，不過她當日有工作在身，未能親到當地領獎，加上又忙於在內地拍電視劇《畫皮》，所以她連慶祝自己首度封后都無機會，不過其唱片公司非常貼心，趁她日前難得有一天假期就即豪花5位數請影后食海鮮宴，Fiona更帶同愛貓Ponyo出席，並與牠一同揀選海鮮，認真溫馨。
早前薛凱琪在上海橫店逗留了三個月拍內地劇《畫皮》，由於當地天氣溫差大，令弱質纖纖的Fiona經常發燒，又試過半夜起床更換濕透的衣服，叫她苦不堪言。
帶愛貓到場
Fiona要日夜趕拍《畫皮》，所以連10月底憑《分手說愛你》成為越南國際電影節影后也沒法親自領獎，令首次封后的她大感可惜。幸好Fiona所屬的華納唱片公司很貼心，趁Fiona難得有一天假，就豪花過萬元請Fiona擦海鮮宴。
當日的菜餚由Fiona揀選，她更帶同其英國短毛摺耳貓Ponyo到場，又抱着愛貓揀心水海鮮，並手持巨型龍蝦得戚影相。對於獲公司厚待，Fiona笑說：「公司話慶祝我攞影后，佢哋知我鍾意食海鮮，所以任我揀海鮮食。我梗係唔客氣，揀咗龍蝦、石斑、蟹、蝦等，食到好滿足。雖然之前工作好辛苦，但有班同事支持，幾辛苦都唔記得晒。」
明年將出碟
近日Fiona已投入錄音工作，準備於明年4、5月出碟，她說：「一返嚟都冇得停，要即刻錄音，又要拍MV同CD封套，加上又有幾部電影、電視劇傾緊，所以要快啲搞掂隻碟先。」
採訪：駱華齡
