徐子淇好友陳君宜、鄭嘉穎緋聞女友徐靖雯昨日在黃埔新天地出席聖誕活動，昨日天氣驟冷，市區只得八、九度，徐靖雯穿上單一襲薄身露肩短裙，在戶外冒着寒風凍得全身起雞皮震騰騰，做訪問時才披上大褸，她說：「習慣啦，模特兒都是冬天穿夏天衣服，我最深刻是06年的一次，剛入行在北京拍外景，只有零度要穿tubetop，我冷得講話都在口震。」
徐靖雯謂聖誕會和家人去日本旅行，更準備10萬元掃貨。
陳君宜唔知子淇事
徐子淇三年抱兩女，最近又傳懷上孖仔，向她閨中好友陳君宜求證，陳君宜即時一問三不知：「唔知喎，唔敢去問，費事問啦，佢啲嘢我好多時都係睇雜誌先知，佢咁秘密都唔會講。」因為怕BB小器，不能講？她說：「真係唔知，我都冇問。佢不嬲都恨生，仔女都冇所謂。」
採訪、攝影：R.AuYeung