前NBA巨星級球星法蘭西斯（圖）登場啦！曾3度入選明星賽嘅法蘭西斯被譽為CBA最重量級球星，今季加盟CBA北京鴨隊；周三喺北京鬥青島場波落場，佢亦好腳頭，球隊以116:107贏波。但呢場波贏咗唔多關佢事，皆因佢最後17.7秒先至落場，只係做咗1次防守同埋運球，就已經引來全場球迷嘅歡呼聲，睇吓佢遲吓有咩驚喜表現啦！