中學生最怕的物件可能是鬧鐘，每朝的奪命鈴聲叫人份外嚮往自由自在的大學生涯，但鄭建慧升上大學後，卻依舊天天朝7晚6上學去。課堂外的時間，寸步不離校園，因為她是傷健人士，出入以輪椅代步，必須由復康巴士接送往返校園；就算那天黃昏才有課，她仍要晨早回校呆等，惟有以「溫習」打發時間。
「身不由己」難交朋友
自小學開始，建慧已經發現自己「與別不同」。患有大腦麻痹症的她小六開始接受脊骨手術，其後一直坐輪椅，「小學時都會諗，點解自己會咁？反而升到中學就諗得開啲」。中學升讀香港紅十字會甘迺迪中心，令建慧學懂樂觀面對人生，因為這所特殊學校內，每位同學都各有各的困難。「有人好過我，亦有人差過我，我絕對唔係最慘同最差嗰個。」建慧中五會考英文科「肥佬」，只能到城大升讀電子商貿副學士課程，但總算踏入大學校園，與普通同學「接軌」。
原以為副學士生涯對建慧來說定較從前多姿多采，但原來不。她說自己每天依靠復康巴士朝7晚6往返校園，而且有專人照顧，與同學無甚機會接觸，「啲同學落咗堂就出去食飯同玩，我同唔到佢哋做到呢啲活動，所以冇乜溝通」。無論那天上課時間「幾晏都好」，她8點就要抵達校園一直等，為的可能只是上兩小時的課。等的時間最累人，建慧惟有以「溫書及做功課」打發時間，其實她別無選擇。
「唔嘗試一定冇機會」
英文科「肥佬」，說來跟她的病況有關，因為手部活動較慢，在聆聽卷「聽得切都寫唔切」。雖然當局已因應情況加時及設有暫停位以示公平，但建慧覺得幫助不大。為了補考她拚命「日日聽多啲同寫多啲」，兩年後重考英文科終於及格，亦如願轉到理大電子計算學系讀修讀學士課程。
談起理大，建慧笑得燦爛，因為同年竟然有兩名同學均是畢業於甘迺迪中心的殘障學生，「基本上我哋三個同學成日一齊，讀書又好食飯又好，大家知道大家諗法」。09年畢業後，建慧一直努力搵工，面試不下數十次，但至今杳無音訊，目前以自由人身份協助不同機構設計網頁。她說負責面試的高層，甫見到她坐輪椅都會表現詫異，「佢哋通常都會話辦公室唔夠位、仲有會話冇傷殘廁格」，然後所有申請均石沉大海。建慧對於覓得長工不抱太大希望，但堅持屢敗屢試，「嘗試就至少有個機會，如果唔嘗試就一定冇機會」。
記者 許偉賢