鄭欣宜噚日去到何文田一間中學擔任「不毒的teen空2010」校園活動嘉賓，為在場學生灌輸禁毒訊息。欣宜話自己讀書時，身邊的確有同學吸大麻，但係佢就未曾被人引誘過，不過欣宜話以前媽咪（肥姐）同佢分享過，20歲嘅肥姐曾經因好奇吸大麻，但感覺難受兼作嘔，欣宜話：「當年都有鬧媽咪點解要同我講呢啲嘢，但之後都明白，佢係想以傾偈嘅方式，同我分享吸毒嘅禍害。」