恨做老竇的劉德華最近找來三位可愛小妹妹，為其稍後的紅館個唱表演，一同排舞時要每人排五次，華仔變相一日要跳十五次，跳完舞又要陪她們玩一字馬、耍功夫及騎膊馬，令患感冒的華仔大喊救命，但他還是覺得小朋友能讓他忘記疾病與煩憂。
劉德華一連20場紅館個唱於下周一開鑼，近日綵排得如火如荼，今次華仔還找來三位小妹妹共舞，令他大受考驗，皆因排舞時三位小豆丁令他體力徹底消耗，比平時排舞辛苦三倍。
華仔為配合演唱會回望演藝生涯三十年的主題，欲將其在農村長大的心聲搬上舞台，故以小朋友舞蹈帶出畫面，華仔便在香港舞蹈團的附屬兒童舞蹈團揀蟀，華仔說：「有好多小朋友應徵，我揀人嘅第一個條件係唔怕醜，因為喺台上面對萬幾觀眾，如果驚到當堂大喊就真係唔知點算好喇。」
逼做拱橋
精心挑選了三位靚妹妹後，華仔的「噩夢」即展開，他說：「我哋每晚出一位小妹妹，所以我有需要逐個同佢哋排練，等佢哋啲舞步入腦，所以要每人每日至少排五次，三個人輪，我就最少要跳十五次，真係舞到陀陀擰。」
近日天氣驟變加上身體勞累，華仔不幸患上感冒要戴口罩，三位小妹妹竟謂哥哥有細菌，要教他做運動保健康，問他懂不懂拱橋，華仔搞爛gag笑說：「唔識，我只識thankyou。」引得小妹妹哈哈大笑，隨即夾手夾腳幫他拉筋，又拉他做一字馬，華仔哭笑不得，大叫救命，又說：「我唔係唔識，係做唔到呀。」小妹妹依然不停手將他亂舞。
追教詠春
休息時間，華仔見現場有個詠春木樁，一時興起打兩下，三位小妹妹又叫他教耍功夫，華仔終於認輸：「佢哋體力無限，打完功夫又要騎膊馬，真係玩謝，不過同小朋友玩真係好開心，乜病都唔記得晒呀。」撰文：丁寧