謝霆鋒喺新戲《新少林寺》中演大奸角，原來起初陳木勝搵佢時係做一個正義和尚，但為突出戲味，導演將個角色改成十惡不赦嘅大壞蛋，最初係劉德華身邊副官，一直唯命是從，但受專橫無道嘅華仔感染，性格大變，最後仲由着軍服變成着龍袍，霆鋒話：「如果我個仔Lucas見到我着龍袍個樣，實將我當壞蛋要對付我。」佢話呢排教曉個仔打功夫，仲整咗個小木樁一齊打詠春㖭。