港股噚日再升113點，恒指報收23431，成交繼續縮，只有579億，恒指全日喺窄幅上落，觀望情緒非常強烈。
花旗股市繼續喺高位拉鋸，雖然暫時冇乜利好消息，但係計埋年結因素，短線仍然可以睇好啲，道指一旦挾破11500，年結好大機會靠近12000收市。聯儲局噚晚議息唔會有變，會後聲明都應該冇新意，港股就伺機突破50日線，成交靜兼炒個別嘅格局會維持。
馬鋼C輪27210：馬鋼（323）報收4.32元，升3.1%。股價喺100日線樓下整固咗一排，噚日終於有番啲氣勢，大成交配合一口氣升穿10日同20日線，係時候挑戰4.40至4.55元阻力區，破位將會開展新升浪，睇5元，可以諗吓隻C輪27210。
隻輪現價52仙，2011年6月20日到期，行使價4.68元，溢價20.4%，引伸波幅54.5%，槓桿率8.3倍（有效4.1倍），正股升上5元，27210睇91.4仙，正股跌穿4.10元嘅話就沽咗隻輪。
俊樺