隔牆有耳:陳日君退休食得好清淡 - 李八方

隔牆有耳:陳日君退休食得好清淡 - 李八方

陳日君樞機噚日應記協邀請做午餐會嘉賓,樞機係上海人,噚日食上海菜,仲有佢至愛紅燒肉,啱晒佢口味。
陳樞機退休後住在筲箕灣慈幼修院,佢指呢間修院膳食比較清淡,不過啱佢食,可能年紀漸大,所以近年捨濃油赤醬,食得清啲健康啲。退休前住在教區堅道宿舍,陳樞機大讚該處伙食好味,因為味道比較濃,比較對佢胃口。
至於多年前住在香港仔聖神修院時,陳日君笑言該處膳食一般,由於對飲食要求不高,所以無乜意見。陳日君噚日話香港後生仔為供樓捱得好辛苦,慶幸自己係「出家人」,同教區弟兄一齊住,房間大、辦公室又大,又唔使交租,羨慕死唔少房奴、租奴記者。