歐盟主國際米蘭終在今屆世冠盃壓軸出場，周三4強遇上亞洲代表城南一和，後者首仗的確表現出強勢，可惜戰力上始終不及國米，相信要爆冷不易，取國米[-1]的「客勝」。（球賽編號：星期三5；有線63、64及201台明日1:00am直播）戰鬥員A
國際米蘭前往阿布札比前的表現並非太好，先於意甲不敵拉素，繼而於歐聯分組賽淨吞雲達不來梅3蛋，因而失去了小組首名出線資格。不過，國米上周末休戰，得以集中力量備戰今屆世冠盃，故就算不像對手城南一和般已經進行過一場比賽，作戰狀態上也不會太過輸蝕。
無錯，國米今季表現是較為飄忽，於意甲也失分不少，但前線的攻擊力不能輕視，前鋒伊度奧維持一定的入球數量，取代了不時受傷的迪亞高米列圖；還有彭迪夫及史奈達的支援，球員質素勝過城南一和。況且，近年的歐洲代表隊甚少失拖不入決賽，這也可反映歐洲隊水平始終勝一籌。
城南一和首仗大勝阿爾華達，中場梅里斯奧摩連拿表現搶鏡，但他與隊中另外兩名外援列當錫及奧尼洛夫斯基與歐洲一、二線球員相比下，要再發揮高水平並不容易，故相信一和會於4強止步。
帕丘卡難讓阿爾華達
較早開賽的第5名戰，墨西哥球會帕丘卡首仗表現令人失望，今仗對手阿爾華達實力上或許比馬贊比稍遜，但後者勝在有主場之利，相信他們依然會在名次賽中搏命，因此[+1]會取阿爾華達「客勝」。文：戰鬥員A
讓球主客和過關
星期三4阿爾華達勝[+1]（2.4）x
星期三5國際米蘭勝[-1]（1.92）2x1
《花絮》
賓帥唔使驚炒魷
國米教練賓尼迪斯近期所受嘅壓力都唔少，甚至有傳言話佢會烏紗不保。不過，會長莫拉堤就出嚟澄清，賓帥嘅位置依然穩陣，仲講到明，如果國米攞唔到世冠盃返意大利，都唔會炒賓帥魷魚，希望佢專心帶隊。
蒙達利聖誕結婚
踢完世冠盃後，國米就正式歇冬，球員終於有機會休息一段短日子充電。不過，對於中場蒙達利嚟講，聖誕節就冇得唞，皆因佢會同拍拖多年、曾經係04年加納環球小姐嘅女友美娜雅拉埋天窗。其實，蒙達利1月份都有可能走人，新一年真係有機會係一個新開始。
一和外援望入籍
城南一和近期人氣最盛嘅當然係亞洲足球先生奧尼洛夫斯基，但講到喺南韓生活最耐嘅外援中，則要數到列當錫。呢位出生於前南斯拉夫嘅27歲前鋒，04年開始已加盟仁川聯，已喺南韓居住近7年，而佢亦有希望入籍後，可以成為「太極虎」歷史上首位歸化兵。