2022年世界盃喺中東國家卡塔爾主辦,雖然佢哋錢夠多,建造冷氣球場克服炎熱天氣問題,不過卡塔爾屬回教國家,保守嘅教條未必令西方人士接受。國際足協主席白禮達(圖),周一就懶風趣咁講:「我想講如果同性戀球迷喺卡塔爾,就應該避免任何性活動。」呢番說話引起好多同性戀組織批評,好似男同性戀足球支持者網絡(GayFootballSupporter'sNetwork),就公開批評白禮達:「我哋強烈譴責國際足協嘅決定,我哋將領導一個組織,杯葛同2022年世界盃有關嘅一切活動。我哋認為世界盃應該喺開放嘅國家進行,不容我哋嘅人權受到忽視。」白禮達一向衰多口,今次又得罪埋同志組織,我求大俠都唔知你點收科嘞!