由民主黨分裂出走嘅「新民主同盟」成立在即，今日出動到立法會外追擊支持政改方案嘅政黨，表明會向各大政黨議員送上豬肉一大嚿，據知佢哋有理不幫親，民主黨議員都唔會留手，見到黨友會送上豬肉，諷刺民主黨支持「超級區議員」政改方案，形同與港府、保皇黨齊齊政治分贓。
今日出動嘅新民盟成員，據知多數人仍然係民主黨員，不過企得出嚟同黨高層對着幹，八方相信佢哋唔會久留，既然道不同，亦無謂糾纏下去。新民盟核心成員噚日忽然封嘴，不肯透露何時退黨及進一步行動，八方聽佢哋口氣，大日子似乎近在眼前，最終會有幾多人退出民主黨，佢哋話暫時說不準，應該會有數十人咁話。