吳鎮宇背妻偷食？噚日一張佢同內地演員姚笛嘅床照喺微博瘋傳，發相人仲話自己無意之間執到部相機，點知一打開就見到呢啲相云云。照片見到吳鎮宇同姚笛典喺張床度擺晒甫士，又攬又錫，吳鎮宇負責揸機之餘，又高舉勝利手勢鬼咁得戚。正當網上議論紛紛之際，原來啲相係佢哋演出嘅《午夜心跳》劇照咋，而套戲會喺平安夜公映。