南華球員陳肇麒（陳七）、文彼得、李威廉、郭建邦與梁倬軒（Hinson）組成男子組合RedForce（紅色力量），出碟闖樂壇，回復單身的陳七，被問到會否送贈新碟予緋聞女友李綺雯（o靚妹），他表示沒與對方聯絡，隊友更為他擋駕，同郭書瑤傳緋聞的郭建邦就稱與對方只是同事關係。
男子組合RedForce將於明年1月推出首張EP，新碟內除有合唱歌，還會收錄一首與同公司的周國賢的合唱歌，由球員變成歌手，五人都覺得意想不到，起初還相當抗拒，最後因老闆羅傑承大力支持，五人才有信心出碟。
陳七自認歌藝差
文彼得表示：「隻碟扣除開支，收入會撥捐保良局足球發展基金，希望可以幫助到下一代同埋球圈，話畀人聽其實踢波可以有好多唔同出路。」
五人異口同聲說首次入錄音室感覺奇怪，問到誰唱歌最難聽？陳七與文彼得即時舉手，然後指着Hinson說他唱歌最好聽，Hinson除了是足球小將，還是八級鋼琴高手，所以碟內他有獨唱歌。
首次出碟，問到最想將碟送給誰，是否各人的另一半？緋聞多多又剛甩拖的陳七，被問到會否送給其中一個前女友李綺雯？他即詐儍說：「吓！咩呀？咁難答嘅，唔識答喎！冇聯絡啦。」現在有否媾女？隊友李威廉即為他擋駕說：「冇媾女，啲女媾佢之嘛，拍拖隨緣啦。」陳七即讚對方是好兄弟。
郭建邦避談瑤瑤
曾與台灣童顏巨乳郭書瑤傳緋聞的郭建邦，問他會否將新碟送贈瑤瑤？他笑說：「咩瑤瑤呀？玩嗰啲呀？大家同公司，係同事啫。」文彼得與李威廉就直認有拖拍，當然會送碟給女友，而Hinson則未拍拖。
採訪：胡比
攝影：葉君海