【本報訊】「救人係我嘅職責，救唔到有啲遺憾！」車禍死者當時駕駛的是綿羊仔電單車，而一度替他施救的好心人，本身亦是綿羊仔鐵騎士。救人者陳嘉渝是註冊物理治療師，亦是聖約翰救傷隊成員，可惜最後未能救回事主性命。他說：「有些失望，因為冇咗一條人命！」
任急救訓練班講師
陳嘉渝加入聖約翰救傷隊10年，職級是見習救護主任，他同時在醫管局急救訓練中心任講師，有豐富急救經驗，但像昨日危急情況則還是第一次。當時正在上班途中，陳謂見到事主躺在地上：「我同佢做急救，但冇乜反應，脈搏好微弱。」他指救人是他的職責，知道事主最後傷重不治，感覺很難過。
至於今次意外會否令他駕駛電單車有陰影，陳嘉渝指電單車意外常有，暫時不會放棄駕駛。他續說，如果大眾對急救有多些認識，對意外受傷人士將有很大幫助。