孫中山像似乎同香港嘅大學唔係咁夾，早前中大先俾人話收埋個像喺貨倉封塵，估唔到上個月理大正式安放好個中山像之後，一樣有市民覺得不滿，話大學將國父孫中山先生放喺地底下面兩層深嘅學生飯堂門口，睇住學生食飽飯剔住牙籤走出來真係唔多老利，加上地下樓底矮，中山先生個頭幾乎掂到天花板，咁係唔尊重嘅安排。
八方問番理大發言人，佢話呢個中山像由擺放位置到開幕安排，都係由孫中山孫女孫穗芳親手揀嘅，至於放喺飯堂門口，其實係因為嗰度係理大學生經常舉辦活動的邵逸夫體育館地下大堂，希望個像可以時不時提吓經過嘅同學要好似中山先生咁，為國為民造福社會。