旺角發生連環縱火，估唔到將軍澳亦發生疑似連環刑毀案。因為支持政改方案而被唔少人批評嘅卿姐，佢喺將軍澳健明邨健暉樓嘅議員辦事處，個幾月內兩度俾人惡意破壞。
卿姐嘅職員噚日朝早返office，就發現信箱被人打凹咗（圖），同上次鐵閘被人用鐵鏈鎖上一樣，好明顯係蓄意破壞，職員第一時間報警。
卿姐對有人搞破壞極表憤怒，唔估計背後有乜動機，但強調喺香港呢個法治社會，市民都絕對唔容許任何形式嘅人身攻擊同惡意破壞。
民建聯亦遇到類似破壞。同一屋苑、喺卿姐辦事處附近健華樓地下嘅陳克勤同劉江華聯合辦事處，上星期六辦事處外牆冷氣機去水喉被人割斷，到噚日就發現信箱亦被人打凹咗。